idhar zindagi ka janaza uthay ga

idhar zindagi ka janaza uthay ga
udhar zindagi un kee dulhan banay gee

qayamat se pehle qayamat hae yaaro
mere saamne meri duniya lutay gee

jawani pe meri sitam dhanay walo
zara soch lo kya kahay ga zamana

idhar mere armaan kafan pehn leyn ge
udhar un ke haathon pe mehndi lagay gi

wo parde ke peechay mein parday ke aagay
na woh aayein aagay na mein jaaon peechay

woh aage barhein ge to kuch bhee na ho ga
mein pechey hatoon ga toh duniya hasay gee

azal se mohabbat kee dushman hae duniya
kaheen do dilon ko milnay na de gi

idhar mere dil par khanjar chalay ga
udhar un ke mathay pe bindiya sajay gi

abhee un ke hansnay ke din haen woh hans leyn
abhee mere ronay ke din haen mein ro loon

magar aik din un ko rona paray ga
ke jis din bhee meri mayyat uthay gi