Hurf Hurf Sater Sater Baab Baab Likha Dia

Hurf Hurf Sater Sater Baab Baab Likha Dia
Us Kay Naam Zindegi Ka Intesaab Likh Dia

Pochta Tha Mujh Se Wo Hasool-e-Zindegi Hai Kia
Ashk Ankh Se Giray, Zamee'n Pay Khawaab Likh Dia

Us Ki Misaal Di Tu Samnay Ki Baat Ki
Chaand Likh Dia Kabhi, Kabhi Gulaab Likh Dia

Jis Qadder Wo Hai Usay Bayaa'n Kia Usi Qadder
Kab Howa Kay Mai Ne Us Ko Lajawaab Likh Dia

Gushwara-e-Ghum-e-Hayaat Likh Raha Tha Jub
Dil Pay Hath Rakh Kay Mai Ne Be-Hisaab Likh Dia

Hijratoon Kay Baad Bhi Hai Hijratoon Ka Silsila
Kis Ne Meray Bakht Mai Yeh Inqelaab Likh Dia

Yion Karam Kia Mujh Pay Rab-e-Kainaat Ne
Sochnay Se Qabbal Mujh Ko Kaamyaab Likh Dia